យ៉ាងហោច​ណាស់ ​មនុស្សចំនួន​៤​នាក់​បាន​ស្លាប់ និង១០នាក់ផ្សេងទៀតរងរបួស និងហាងលក់ទំនិញជាច្រើនបានឆាបឆេះជាអណ្តាតភ្លើងនៅក្នុងប្រទេសមីយ៉ាន់ម៉ា

អង្គារ ៦ សីហា ២០២៤ ១៤:១៥

សង្គ្រាមផ្ទៃក្នុង នៅក្នុងប្រទេសមីយ៉ាន់ម៉ាបានធ្វើឱ្យមានមនុស្សស្លាប់ និងរងរបួសជារៀងរាល់ថ្ងៃ ។ បើតាម The Irrawaddy ដែលបានចេញផ្សាយ នៅថ្ងៃទី 6 ខែសីហា ឆ្នាំ 2024 នេះបានឱ្យដឹងថា របបយោធាមីយ៉ាន់ម៉ាបានធ្វើការវាយប្រហារតាមផ្លូវអាកាសលើផ្សារ Myoma ក្នុងទីប្រជុំជន Kutkai ដែលគ្រប់គ្រងដោយកងទ័ពរំដោះជាតិ Ta’ang (TNLA) នៅភាគខាងជើងរដ្ឋ Shan កាលពីរសៀលថ្ងៃច័ន្ទទី៥ ខែសីហា ឆ្នាំ២០២៤ម្សិលម៉ិញនេះ។

ក្នុងការវាយប្រហារតាមផ្លូវអាកាសរបស់របបយោធាមីយ៉ាន់ម៉ាទៅលើផ្សារ Myoma ក្នុងទីប្រជុំជន Kutkai កាលពីថ្ងៃច័ន្ទម្សិលម៉ិញនេះ បានសម្លាប់ជនស៊ីវិលយ៉ាងតិចចំនួន៤នាក់ និងរងរបួសជាង ១០ នាក់ផ្សេងទៀត។ជាមួយគ្នានោះផ្ទះប្រជាពលរដ្ឋ និងហាងលក់ទំនិញជាច្រើននៅក្នុងផ្សារ Myoma ត្រូវបានឆាបឆេះជាអណ្តាតភ្លើងស្ទើរតែគ្មានសល់។

នេះគឺជាសោកនាដកម្មមួយនៅក្នុងប្រទេសមីយ៉ាន់ម៉ា ដែលមានសង្គ្រាមផ្ទៃក្នុងបាញ់ប្រហារគ្នាបណ្តាលឱ្យមានមនុស្សស្លាប់ និងរងរបួសស្ទើរតែរាល់៕

 

ប្រែសម្រួលដោយ៖ វាសនា

ពាក្យទាក់ទង
ភ្ជាប់ទំនាក់ទំនងជាមួយ Town News
  • ដូច្នឹងផង២