ក្រុមមន្ត្រីបាននិយាយថា យន្តហោះដឹកអ្នកដំណើរ Azerbaijan Airlines បានធ្លាក់កាលពីថ្ងៃពុធម្សិលម៉ិញនេះ នៅភាគខាងលិចប្រទេសកាហ្សាក់ស្ថាន ដោយបានសម្លាប់មនុស្សចំនួន 38នាក់ក្នុងចំណោមមនុស្ស 67នាក់ជិះនៅលើយន្តហោះ។យន្តហោះ Embraer 190 ដែលត្រូវបានគេសន្មត់ថា បានហោះហើរនៅភាគពាយព្យពីរដ្ឋធានី Baku របស់ Azerbaijani ទៅកាន់ទីក្រុង Grozny ភាគខាងត្បូងនៃប្រទេសរុស្ស៊ី ប៉ុន្តែបានហោះហើរឆ្លងកាត់សមុទ្រ Caspian ហើយបានធ្លាក់នៅជិតទីក្រុង Aktau ក្នុងប្រទេសកាហ្សាក់ស្ថាន។
ដំណើររបស់យន្តហោះនៅលើគេហទំព័រ Flight Radar បានបង្ហាញថាវាហោះហើរឆ្ងាយពីផ្លូវធម្មតារបស់វា ហើយបន្ទាប់មកបានហោះជុំវិញតំបន់ដែលវាបានធ្លាក់ជាយថាហេតុនៅជិត Aktau ដែលជាមជ្ឈមណ្ឌលប្រេង និងឧស្ម័ននៅច្រាំងខាងកើតនៃសមុទ្រកាសព្យែន។ក្រុមហ៊ុនអាកាសចរណ៍ Azerbaijan បានរាយការណ៍ថា មនុស្សចំនួន 67 នាក់នៅលើយន្តហោះក្នុងនោះអ្នកបើកបរយន្តហោះចំនួន 5នាក់ ។
ក្រសួងដឹកជញ្ជូនកាហ្សាក់ស្ថានបាននិយាយថា យន្តហោះនេះដឹកជនជាតិអាហ្សែបៃហ្សង់ចំនួន៣៧នាក់,កាហ្សាក់ស្ថាន ៦នាក់,កៀហ្ស៊ីស៊ីស្ថាន ៣ នាក់ និង ១៦នាក់មកពីរុស្ស៊ី។ ក្រសួងដឹកជញ្ជូនកាហ្សាក់ស្ថានបាននិយាយនៅលើ Telegram ថា “យន្តហោះដែលកំពុងដំណើរការផ្លូវ Baku-Grozny បានធ្លាក់នៅជិតទីក្រុង Aktau ។ វាជារបស់ក្រុមហ៊ុនអាកាសចរណ៍ Azerbaijan” ។ ក្រុមហ៊ុនអាកាសចរណ៍ Azerbaijan ដែលជាក្រុមហ៊ុនអាកាសចរណ៍ជាតិរបស់ប្រទេសនេះ បាននិយាយថា យន្តហោះបានចុះចតជាបន្ទាន់ ប្រហែល 3 គីឡូម៉ែត្រ ពី Aktau ។ ក្រសួងស្ថានការណ៍គ្រាអាសន្នកាហ្សាក់ស្ថានបាននិយាយថា បុគ្គលិករបស់ខ្លួនបានពន្លត់ភ្លើងដែលបានឆាបឆេះពេលយន្តហោះធ្លាក់។បុគ្គលិកសង្គ្រោះបន្ទាន់ចំនួន 150 នាក់ត្រូវបានបញ្ជូនទៅកន្លែងកើតហេតុ។
មន្ត្រីជំនាញរបស់ប្រទេសនេះកំពុងធ្វើការស៊ើបអង្កេត និងស្រាវជ្រាវរកមូលហេតុដែលនាំឱ្យធ្លាក់យន្តហោះ ដែលបណ្តាលឱ្យមានមនុស្សស្លាប់រហូតទៅដល់៣៨នាក់កាលពីម្សិលម៉ិញនេះ៕
ប្រភព៖ A News
ប្រែសម្រួលដោយ៖ វាសនា
