ភ្នំពេញ៖ សប្តាហ៍នេះមិនឱ្យចាញ់សប្តាហ៍មុនៗឡើយ គូដណ្តើមពានលេងឈុតធំ ដាក់សុទ្ធតែអ្នកប្រយុទ្ធ នៅលើសង្វៀនដែលមានបេក្ខភាពចំនួន៤រូបក្នុងនោះរួមមាន៖ កីឡាករ ជ័យ គឹមហុង អ្នកលេងទម្ងន់កណ្តាប់ដៃជាបេក្ខភាពទី១, ចំណែកអ្នកល្អអាវុធវាយមិនដែលទប់ដៃ និងដកថយនោះ កីឡាករ ធន់ ចំណាប់ ក៏មិនធម្មតាដែរត្រៀមខ្លួនយ៉ាងល្អជាបេក្ខភាពទី២ដណ្តើមពាន,បើក្រឡេកមកមើស រិទ្ធ វឌ្ឍនៈ វិញ បានសម្រួចអាវុធអស់ហើយ ទាំងជង្គង់ ទាំងកែងជាបេក្ខភាពទី៣, ដោយឡែកបេក្ខភាពទី៤ កីឡាករ ពេជ្រ វិបុលសុខ ឯណេះវិញ ក៏មិនទុកឱកាសឱ្យដៃគូប្រកួតយកជ័យជម្នះបានងាយស្រួលដែរ ដោយរូបគេបុកហ្វឹកហាត់យ៉ាងខ្លាំងដើម្បីត្រៀមដណ្តើមយកពានដ៏ធំមួយនេះ។រង់ចាំទស្សនាទាំងអស់គ្នាបងប្អូន តើអ្នកណានឹងក្លាយជាម្ចាស់ពានដ៏ធំមួយនេះ?។
**គូប្រកួតសរុប នៅលើសង្វៀន Cambodia Mas Fight សប្ដាហ៍នេះ សម្រាប់គូមិត្តភាពជាជាតិគុនខ្មែរ (Kun Khmer Rules)គឺ
– រស់ អារុណ ប៉ះ សុខនី គុនខ្មែរ
**គូមិត្តភាពអន្តរជាតិគុនខ្មែរ (Kun Khmer Rules)រួមមាន៖
– មករា គុនខ្មែរ ជួបកីឡារករចិន ZHANG ZHENJIANG
– ឡុង ជិន ប៉ះកីឡាករម៉ារុក NOUREDDINE
– គឹម វាសនា តតាំងកណ្តាប់ដៃជាមួយម៉ារុក MOHAMMAD EL ISSAOUI។
ព្រឹត្តិការណ៍ប្រកួតនឹងប្រព្រឹត្តទៅនៅថ្ងៃទី២៥ ខែមករា ឆ្នាំ២០២៦ កម្មវិធីចាប់ផ្តើមពីម៉ោង ៣រសៀលតទៅ ទីតាំងនៅស្ថានីយទូរទស្សន៍ថោន ដោយមានការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV ,នៅលើហ្វេសប៊ុកផេក TOWN FULL HDTV, TOWN FM 102.25 និង Cambodia Beer ផងដែរ៕
ដោយ៖ វិកគី
