រយៈពេល៣ថ្ងៃនៃពិធីបុណ្យចូលឆ្នាំថ្មី ប្រពៃណីជាតិខ្មែរនេះមានករណីគ្រោះថ្នាក់ចរាចរណ៍នៅទូទាំងប្រទេស ដោយបានឆក់យកជីវិតមនុស្សចំនួន ១៧នាក់ និង៤៥នាក់រងរបួសធ្ងន់-ស្រាល ។នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ។
របាយការណ៍ដដែលនោះបានបញ្ជាក់ថា នៅថ្ងៃទី១៤ ខែមេសា ឆ្នាំ២០២៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៦លើក បណ្ដាលឲ្យមនុស្សស្លាប់ចំនួន៥នាក់ និងរងរបួសធ្ងន់-ស្រាល ៦នាក់ ។នៅថ្ងៃទី១៥ ខែមេសា ឆ្នាំ២០២៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៩លើក បណ្ដាលឲ្យមនុស្សស្លាប់ចំនួន៦នាក់ និងរងរបួសធ្ងន់-ស្រាល ១៤នាក់ និងនៅថ្ងៃទី១៦ ខែមេសា ឆ្នាំ២០២៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១២លើក បណ្ដាលឲ្យមនុស្សស្លាប់ចំនួន ៦នាក់ និងរងរបួសធ្ងន់-ស្រាល ២៥នាក់ ៕
ដោយ៖ វិចិត្រ
