កងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) បានប្រកាសថា ខ្លួនបានបាញ់មីស៊ីលផ្លោងទៅគោលដៅមូលដ្ឋានទ័ពអាកាសព្រះអង្គម្ចាស់ហាសាន់នៅហ្ស៊កដានី ជាទីតាំងដែលប្រើប្រាស់ដោយកងកម្លាំងអាមេរិក និងកងកម្លាំងសម្ព័ន្ធមិត្ត។ យោងតាម IRGC ថា ការវាយប្រហារនេះ ជាដំណាក់កាលដំបូងនៃការឆ្លើយតបរបស់ខ្លួនចំពោះប្រតិបត្តិការផ្លូវអាកាសរបស់សហរដ្ឋអាមេរិកកាលពីពេលថ្មីៗនេះប្រឆាំងនឹងហេដ្ឋារចនាសម្ព័ន្ធយោធាអ៊ីរ៉ង់។
មន្ត្រីយោធាហ្ស៊កដានីបាននិយាយថា ប្រព័ន្ធការពារដែនអាកាសរបស់ខ្លួនបានស្ទាក់ចាប់មីស៊ីលមួយចំនួនដែលចូលមក ខណៈដែលអ៊ីរ៉ង់អះអាងថា ការវាយប្រហារនេះបានវាយប្រហារកន្លែងផ្ទុកប្រេងឥន្ធនៈ និងជម្រកយន្តហោះគ្មានមនុស្សបើករបស់អាមេរិកនៅមូលដ្ឋានទ័ពអាមេរិកដោយជោគជ័យ។ ការអះអាងរបស់អ៊ីរ៉ង់មិនទាន់ត្រូវបានផ្ទៀងផ្ទាត់ដោយឯករាជ្យនៅឡើយទេ ហើយមន្ត្រីអាមេរិកមិនទាន់បានចេញផ្សាយការវាយតម្លៃជាផ្លូវការអំពីការខូចខាតដែលបានរាយការណ៍នេះនៅឡើយទេ។
ដោយឡែកសហរដ្ឋអាមេរិកឯណោះវិញបានប្រកាសពីថ្លៃសន្តិសុខ 20% សម្រាប់កប៉ាល់ដែលឆ្លងកាត់ច្រកសមុទ្រ Hormuz សហរដ្ឋអាមេរិកបានប្រកាសថា ខ្លួនមានគម្រោងដាក់ថ្លៃសន្តិសុខបន្ថែម 20% លើតម្លៃទំនិញដែលដឹកជញ្ជូនដោយកប៉ាល់ពាណិជ្ជកម្មដែលឆ្លងកាត់ច្រកសមុទ្រ Hormuzនេះ។ បើយោងតាមសេចក្តីប្រកាស ថ្លៃសេវានេះមានបំណងជួយទូទាត់ថ្លៃដើមយ៉ាងច្រើននៃការរក្សាសន្តិសុខសមុទ្រ និងការពារការដឹកជញ្ជូនពាណិជ្ជកម្មនៅក្នុងផ្លូវទឹកយុទ្ធសាស្ត្រ។ វិធានការដែលបានស្នើឡើងនេះ កើតឡើងនៅពេលដែលសហរដ្ឋអាមេរិកបន្តពង្រីកវត្តមានសន្តិសុខរបស់ខ្លួននៅក្នុងច្រកសមុទ្រ Hormuz ចំពេលមានភាពតានតឹងក្នុងតំបន់កើនឡើង៕
ប្រភព៖ World News
ប្រែសម្រួលដោយ៖ វាសនា
