នារីស្រស់ស្អាតម្នាក់ បើករថយន្តម៉ាក AVATAR ពាក់ស្លាកលេខ កម្ពុជា V.C.8989 បានបើកវ៉ាជែងចូលផ្លូវម្ខាងទៀត ហើយជ្រុលបុកជាមួយម៉ូតូម៉ាកHONDA SCOOPY ពាក់ស្លាកលេខ ភ្នំពេញ 1HL-4247 ដែលជិះបញ្រ្ជាសទិសគ្នាបុកពេញទំហឹង បណ្តាលឱ្យបុរសម្នាក់បានស្លាប់ភ្លាមៗ នៅកន្លែងកើតហេតុភ្លាមៗ។
ហេតុការណ៍នេះបានកើតឡើងកាលពីវេលាម៉ោង ១១ និង៣០នាទីយប់ ថ្ងៃទី២៨ ខែកក្កដា ឆ្នាំ២០២៦ ស្ថិតនៅតាមបណ្តោយផ្លូវ លេខ១០០៣ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
ក្រោយពេលកើ់តហេតុ សមត្ថកិច្ចជំនាញនគរបាលចរាចរណ៍នៃស្នងការដ្ឋាននគរបាលរាជធានីភ្នំពេញ ចុះមកធ្វើកាវាសវែង យករថយន្តនិងម៉ូតូទៅរក្សាទុករង់ចាំការដោះស្រាយគ្នានៅពេលក្រោយ។ ចំណែកឯសពជនរងគ្រោះសមត្ថកិច្ច ធ្វើលិខិតប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕
ដោយ៖ វិចិត្រ
