នៅថ្ងៃទី២៧ ខែឧសភា ឆ្នាំ២០២៦ នៅស្រុកមោងឫស្សី ខេត្តបាត់ដំបង មានករណីគ្រោះថ្នាក់ដោយសំណល់សង្គ្រាមគ្រាប់៦០មីលីម៉ែត្រមិនទាន់ផ្ទុះ ដោយសារការដុតសម្អាតដីដាំដំណាំបានបង្កផ្ទុះបណ្តាលឱ្យយុវជនម្នាក់រងរបួសធ្ងន់។
បើតាមឯកឧត្តម ហេង រតនា អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជាបានឱ្យដឹងថា នៅក្នុងខែឧសភា មានករណីគ្រោះថ្នាក់ដោយសារគ្រាប់សំណល់សង្គ្រាម៣-៤ករណីហើយ ដែលបណ្តាលមកពីការលើកដាក់ ឬវាយដុំ ដុតគ្រាប់មិនទាន់ផ្ទុះ។ ខ្ញុំសូមចូលរួមសោកស្តាយ និងមរណៈទុក្ខជាមួយជនរងគ្រោះ និងក្រុមគ្រួសារ ព្រមទាំងសូមអំពាវនាវប្រជាពលរដ្ឋទាំងអស់ ចូលរួមប្រុងប្រយ័ត្ននិងកុំប៉ះពាល់ វាយដុំដុតគ្រាប់មិនទាន់ផ្ទុះ និងត្រូវរាយការណ៍មកសមត្ថកិច្ចនគរបាលប៉ុស្តឬអាជ្ញាធរមូលដ្ឋានភូមិ/ឃុំ និងជាពិសេសមកអង្គភាពCMAC ដើម្បីសុខសុវត្ថិភាពខ្លួនឯង និងអ្នកជុំវិញខ្លួន៕
ដោយ៖ វិចិត្រ
