ភ្នំពេញ៖ ត្រៀមខ្លួនអង្រួនសង្វៀនសារជាថ្មីជាមួយជំនួបប្រកួតដ៏ជក់ចិត្តប្រចាំសប្តាហ៍នេះ ជាការប្រកួតរវាងអ្នកលេងកណ្តាប់ដៃល្អចិត្តសាស្រ្តដែល អ្នកគាំទ្រធ្លាប់ឱ្យរហ័សនាមថារីគី រតនសុធី វិលមកណាត់ជួបអ្នកប្រយុទ្ធជើងខ្លាំងហោះមកពីប្រទេសចិន មានឈ្មោះថា ឃ្វីន ជិន ។

អ្នកទាំងពីររូបនេះមិនធ្លាប់មានប្រវត្តិប៉ះគ្នាពីមុនមកឡើយ តែមិនមានបញ្ហាអ្វីជាបញ្ហា សម្រាប់សុធីនោះទេ ព្រោះគេធ្លាប់ផ្តួលកីឡាករជើងខ្លាំងចិនរាប់មិនអស់មកហើយនាពេលកន្លងមក ដូច្នេះការប្រកួតនេះ អាចនឹងមិនមែនជារឿងលំបាកសម្រាប់រូបគេនោះទេ។ តែទោះបីជាយ៉ាងណាក៏ដោយ ការប្រកួតលើសង្វៀនប្រយុទ្ធមិនអាចមើលងាយគូប្រកួត ឬធ្វេសប្រហែសបាននោះទេ ដូច្នេះប្រសិនបើចង់ឈ្នះ សុធីក៏ត្រូវហ៊ានប្តូរទើបបាន។

ភាពសប្បាយរីកជាមួយព្រឹត្តិការណ៍ប្រកួតដ៏ជក់ចិត្តនាសប្តាហ៍នេះ នាំមកជូនដោយ Boostrong King of The Ring Kun Khmer សង្វៀនមូល មុនគេបង្អស់ ថ្មី ប្លែក នៅក្នុងព្រះរាជាណាចក្រកម្ពុជា។

**ការប្រកួតគូមិត្តភាពជាតិគុនខ្មែរហ្គង់ចេញម្រាម (Kun Khmer Rules MMA Gloves)៖
-កីឡាករ ពន្លឺ គុនខ្មែរ ជួបជាមួយ កីឡាករ លីន ជិនវ៉ារុង
-កីឡាករ រិគី សុខរ៉ា ប្រកួតជាមួយ កីឡាករមាស សុវណ្ណសា
-កីឡាករ លន់ លីហេង ប៉ះ កីឡាករ រិទ្ធី មាន់ព្រៃ
**គូមិត្តភាពអន្តរជាតិគុនខ្មែរហ្គង់ចេញម្រាម (Kun Khmer Rules MMA Gloves)៖
– ផុន សុភុត ត្រូវធ្វើការធ្ងន់ប៉ះជើងខ្លាំងឡាវ ទី យ៉ៃណាកាយីម TI YAINAKAYIM។

ការប្រកួតនឹងប្រព្រឹត្តទៅ នាថ្ងៃសុក្រ ទី31 ខែកក្កដា ឆ្នាំ2026 កម្មវិធីចាប់ផ្តើមពីម៉ោង 7យប់តទៅ ទីតាំងនៅស្ថានីយ៍ទូរទស្សន៍ថោន ដោយមានការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV ,នៅលើហ្វេសប៊ុកផេក TOWN FULL HDTV និង Boostrong ផងដែរ៕

ដោយ៖ វិកគី