ភ្នំពេញ៖ បើមើលតាមកាមេរ៉ាសុវត្តិភាពបានបង្ហាញឲ្យឃើញពីសកម្មភាពរបស់ក្រុមជនសង្ស័យមានគ្នាពីរនាក់បានជិះម៉ូតូ១គ្រឿងម៉ាកស៊ុយស៊ីគីលែតពណ៌ស មិនចាំស្លាកលេខបានជិះមកកន្លែងលក់ទូរស័ព្ទហើយពួកគេបានបន្លំធ្វើជាទិញទូរស័ព្ទម៉ាក iphone 12 pro max មួយគ្រឿងក្រោយពីម្ចាស់ហាងមិនបានចាប់អារម្មណ៍ក្រុមជនសង្ស័យបានលួចយកទូរស័ព្ទនោះរត់ឡើងជិះម៉ូតូគេចខ្លួនបាត់ស្រមោលតែម្តង ចំណែកម្ចាស់ហាងបានត្រឹមស្រែកថាចោរៗ។
ករណីនេះបានកើតឡើងនៅវេលាម៉ោង ២១ និង១០ នាទីយប់ថ្ងៃទី ២ ខែកុម្ភៈ ឆ្នាំ២០២៦ នៅចំណុចហាងលក់ទូរស័ព្ទដៃ oppoកែងនឹងការ៉ាស់សាំងការរ៉េប្រាំបួន(៩៩៩៩) ផ្លូវទៅលូប្រាំ ខាងក្រោយបុរីអូគីដេ ស្ថិតនៅក្នុងភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
គេចាំមើលថាតើសមត្ថកិច្ចខណ្ឌមានជ័យអាចស្រាវជ្រាវតាមចាប់ក្រុមជនសង្ស័យខាងលើនេះយកមកដាក់ទោសតាមផ្លូវច្បាប់បានដែរឬទេ? ៕
ដោយ÷វិសាល
