មនុស្សចំនួន ១៤នាក់ត្រូវបានខ្មាន់កាំភ្លើងធ្វើការបាញ់នៅក្នុងផ្ទះមួយ ហើយយ៉ាងហោចណាស់មនុស្សចំនួន១១នាក់បានស្លាប់ នៅពេលដែលខ្មាន់កាំភ្លើងបានសម្រុកចូលលំនៅដ្ឋានមួយកន្លែងនៅក្នុងតំបន់ Ziko នៃ KwaMakhutha ភាគខាងត្បូងនៃទីក្រុង Durban, ខេត្ត KwaZulu-Natalនៃប្រទេសអាហ្វ្រិកខាងត្បូង នៅយប់ថ្ងៃអង្គារទី២២ ខែកញ្ញា ឆ្នាំ២០២៦នេះ។
តាមសេចក្តីរាយការណ៍បានឲ្យដឹងថា ជនរងគ្រោះនៅជាមួយគ្នានៅក្នុងផ្ទះតែមួយ ពេលជនដៃដល់បានស្ទុះចូលមកបាញ់ប្រហារ ។ ជនរងគ្រោះម្នាក់ ត្រូវបានគេរាយការណ៍ថា ជាស្ត្រីមានផ្ទៃពោះ។
មន្រ្តី KwaMakhutha SAPS និងក្រុមតាមដានស្រុក eThekwini ស្ថិតនៅកន្លែងកើតហេតុឧក្រិដ្ឋកម្មសកម្ម។ ដោយសារតែការវាយប្រហារមានសភាពធ្ងន់ធ្ងរ ការស៊ើបអង្កេតត្រូវបានគេរំពឹងថា នឹងត្រូវបានបន្តទៅអង្គភាព ខេត្ត ខណៈអាជ្ញាធរផ្តល់អាទិភាពក្នុងការកំណត់ទីតាំងជនសង្ស័យ។ មូលហេតុនៃការបាញ់ប្រហារនេះ គេនៅមិនទាន់ដឹងនៅឡើយនៅដំណាក់កាលដំបូងនេះ។
ប៉ូលីសមិនទាន់បានបញ្ចេញសេចក្តីថ្លែងការណ៍ផ្លូវការជាមួយនឹងព័ត៌មានលម្អិតបន្ថែមអំពីចំនួនអ្នកវាយប្រហារ អាវុធដែលបានប្រើ ឬទំនាក់ទំនងដែលអាចកើតមានចំពោះសកម្មភាពឧក្រិដ្ឋកម្មដែលកំពុងបន្តនៅក្នុងតំបន់នោះទេ។
KwaMakhutha ជាសង្កាត់មួយក្នុងក្រុង eThekwini Metropolitan ចម្ងាយប្រហែល២៩ គីឡូម៉ែត្រភាគនិរតីនៃទីក្រុង Durban បានជួបប្រទះឧប្បត្តិហេតុពីមុននៃអំពើហិង្សាដោយកាំភ្លើងក្នុងប៉ុន្មានឆ្នាំថ្មីៗនេះ៕
ប្រភព៖ The Screenshot Association
ប្រែសម្រួលដោយ៖ វាសនា
