ខេត្តសៀមរាប ៖ ពិតជាពិបាកទុកចិត្តមែន! នាំកូនស្រីអាយុ១០ឆ្នាំ ទៅដាំបង្គោលរបង និងដាក់លួសបន្លា ត្រូវជនល្មោភកាម ចាប់រំលោភ នៅក្នុងដីចំការ។ បុរសជាជនសង្ស័យ ក៏ត្រូវបានសមត្ថកិច្ចឃាត់ខ្លួន ក្រោយពីប្រព្រឹត្តអំពើដ៏កខ្វក់នេះ កាលរសៀល ថ្ងៃទី២៣ ខែធ្នូ ឆ្នាំ២០២០ ​ស្ថិតនៅភូមិខ្នារក្រៅ ឃុំកន្ទួត ស្រុកស្វាយលើ ខេត្តសៀមរាប។

ជនសង្ស័យឈ្មោះមួក ម៉េង អាយុ៣៥ឆ្នាំ មានស្រុកកំណើតភូមិដូនស្វា ឃុំសំរោងយា ស្រុកពួក ខេត្តសៀមរាប ស្នាក់នៅបណ្តោះអាសន្នភូមិខ្នារក្រៅឃុំកន្ទួត ស្រុកស្វាយលើ ខេត្តសៀមរាប ដែលពាក់ព័ន្ធ​បទល្មើសរំលោភសេពសន្ថវៈ។

សូមបញ្ជាក់ថា មុនពេលកើតហេតុ ជនរងគ្រោះ អាយុ១០ឆ្នាំ រស់នៅស្រុកពួក បានទៅដាំបង្គោលរបងនិងដាក់លួសបន្លានៅចំណុចដីចំការឈ្មោះរៀម វ៉ាន់សាក់ ភូមិខ្នារក្រៅ ឃុំកន្ទួត ស្រុកស្វាយលើខេត្តសៀមរាប ជាមួយឪពុកបង្កើត និងពូ ព្រមទាំងជនសង្ស័យ។

ពេលទៅដល់ចំណុចដីចំការ ឪពុកជនរងគ្រោះបានដាំបង្គោលរបងនៅចំងាយពីជនរងគ្រោះប្រហែល២០០ម៉ែត្រ​។ ចំណែកជនសង្ស័យនិងជនរងគ្រោះ បានវាយបន្លាលួសជាមួយគ្នា ដោយជនរងគ្រោះជាអ្នកទាញបន្លាលួស ជនសង្ស័យជាអ្នកដំបន្លាលួសភ្ជាប់និងបង្គោលរបង។ នៅពេលជនរងគ្រោះហត់អស់កម្លាំង ក៏បានទៅសំរាកនៅព្រៃល្បោះ​ក្នុងចំការ។ ឃើញជនរងគ្រោះចូលព្រៃដូចនេះ ជនសង្ស័យក៏ដើរតាមពីក្រោយហើយបានធ្វើសកម្មភាពផ្តួល​រំលោភ​បាន​បន្តិច ជនរងគ្រោះឈឺចុកចាប់ក៏ខំរើបំរាស់និងស្រែកយំ ស្របពេលនោះឪពុកជនរងគ្រោះមកទាន់ ជនសង្ស័យក៏ឈប់សកម្មភាពហើយគេចខ្លួននៅក្នុងដីចំការ។

គ្រួសារជនរងគ្រោះបានត្រឡប់មកផ្ទះ ហើយរាយការណ៍ជូនសមត្ថកិច្ច។ សមត្ថកិច្ច​បានចុះទៅកន្លែងកើតហេតុ នាំខ្លួនជនសង្ស័យមកសាកសួរ និ​ង​បានសារភាពថាពិតជាបានប្រព្រឹត្តសកម្មភាពខាងលើដូចការចោទប្រកាន់មែន៕