ភ្នំពេញ ៖ អវត្តមានមួយសប្តាហ៍ដើម្បីចូលរួមប្រារព្ធពិធីបុណ្យភ្ជុំបិណ្ឌប្រពៃណីជាតិខ្មែរ នៅសប្តាហ៍នេះសង្វៀនWurkzប្រដាល់គុនខ្មែរបានវិលត្រឡប់មកបម្រើអារម្មណ៍ទស្សនិកជនជាថ្មីម្ដងទៀត ព្រមជាមួយវត្តមានកីឡាករ កីឡាការិនីគុនខ្មែរកំពូលៗឡើងមកជម្រះបញ្ជីគ្នាឱ្យដឹងស ខ្មៅ នៅលើសង្វៀននាចុងសប្តាហ៍នេះ ។
វត្តមានកីឡាករ កីឡាការិនីដែលនឹងឡើងមកតតាំងគ្នា ជាមួយកីឡាករ កីឡាការិនីមកពីតាមបណ្ដាប្រទេសនានា នៅលើសង្វៀនWurkzប្រដាល់គុនខ្មែរ ដែលរៀបចំដោយស្ថានីយទូរទស្សន៍ថោននាចុងសប្តាហ៍នេះរួមមាន៖
ការប្រកួតលក្ខណៈច្បាប់គុនខ្មែរប្រាំទឹក៖
-កីឡាករ សៅ សេងហុង ប៉ះជាមួយ ម៉ាលី ខ្លាតូច។
-កីឡាករ មិត្ត ចាន់មើយ ជួបប្រកួតជាមួយ ឃីម ថន។
-កីឡាករ សេក ចៅជូត មកសាកកណ្តាប់ដៃជាមួយ រិទ្ធី សុជាតិ។
ដោយឡែកសម្រាប់ការប្រកួតច្បាប់គុនខ្មែរបីទឹកលក្ខណៈអន្តរជាតិវិញ៖
– កីឡាការិនី សី វិច្ឆិកា ឡើងមកប្តូរកណ្តាប់ដៃជាមួយ ណងនេន យ៉តថានុង កីឡាការនីជារីងខ្លាំងមកពីថៃ
– កីឡាករ ឡុង សំណាង ប្រកួតជាមួយ ប៉អ៊ូលថៃ អ.អាឃុម មកពីប្រទេសថៃ ។
កុំភ្លេចជួបគ្នានៅសង្វៀន WURKZ ប្រដាល់គុនខ្មែរដែលធ្វើការប្រកួតនៅស្ថានីយទូរទស្សន៍ TOWN FULL HDTV និងមានការផ្សាយផ្ទាល់នៅលើកញ្ចក់ទូរទស្សន៍ Town Full HDTV ,នៅលើហ្វេសប៊ុកផេក Town Full HDTV WURKZ និង Town Sports នាថ្ងៃទី២១ ខែតុលា ឆ្នាំ២០២៣ ចាប់ពីម៉ោង ៧យប់តទៅ ៕
ដោយ៖ វិកគី
