ភ្នំពេញ ៖ ក្រុមបាល់ទាត់អាយអេសអាយដង្កោសែនជ័យបានយកឈ្នះ២ទល់នឹង១ ទៅលើក្រុមបាល់ទាត់បឹងកេត ក្រោមក្រសែភ្នែកអ្នកគាំទ្រផ្ទាល់នៅកីឡដ្ឋាន KMH Park ចំនួន២៣៧៨នាក់ នៃក្របខណ្ឌខេមបូឌានព្រីមៀរលីគ ឆ្នាំ២០២៣ សប្តាហ៍ទី៨ នាថ្ងៃអាទិត្យ ទី២២ ខែតុលានេះ។
សកម្មភាពការប្រកួតដ៏តានតឹងរវាងក្រុមទាំងពីរ ម្ចាស់ផ្ទះអាយអេសអាយ ដង្កោសែនជ័យ រកបាន៣ពិន្ទុពេញតាមរយៈជ័យជម្នះដោយលទ្ធផល ២-១ លើបឹងកេត។ ២គ្រាប់របស់ក្រុមម្ចាស់ផ្ទះរកបានដោយកីឡាករ Ndongo Villy ទាំងពីរគ្រាប់នៅនាទី១៦ និង៧២ ខណៈ១គ្រាប់របស់ Golubovic Stefan នៅនាទីទី៥៤។
គួរជម្រាបផងដែរថា ក្រោយពីយកឈ្នះលើក្រុមបឹងកេត ២-១ នៅឯកីទ្បដ្ឋាន AIA KMH PARK កាលពីម្សិលមិញ ក្រុមដែលមានមូលដ្ឋាននៅផ្លូវវែងស្រែងនេះ បានទ្បើងមកលេខរៀងទី៧ ដោយមាន១០ពិន្ទុស្មើគ្នានឹងក្រុមលេខ៥ព្រៃវែង FC និងលេខ៦ ក្រុមTiffy Army FC ដែលពួកគេសុទ្ធតែចាញ់ក្នុងការប្រកួតសប្តាហ៍ទី៨។
ចំណែកឯក្រុមបឹងកេត បន្ទាប់ពីចាញ់ការប្រកួតខាងលើនេះ ក៏ធ្លាក់ទៅលេខរៀងទី៤ ស្របពេលក្រុមវិសាខា ដែលយកឈ្នះលើក្រុមអង្គរថាយហ្គឺរ ២-១ នៅក្នុងដី ទ្បើងមកលេខ៣ តាមពីក្រោយក្រុមភ្នំពេញក្រោន ជាក្រុមលេខ២ ចំនួន៦ពិន្ទុ និងក្រុមឈរកំពូលតារាងព្រះខ័នរាជស្វាយរៀងចំនួន៩ពិន្ទុ៕
ដោយ៖ វិកគី
