ភ្នំពេញ៖ កីឡាការិនីចំណូលថ្មីគុនខ្មែរ វត្តី គុនខ្មែរ ដែលមាននិស្ស័យស្រឡាញ់ និងបានចូលរួមហ្វឹកហាត់គុនខ្មែរ អស់រយៈពេលជាច្រើនខែមកហើយជាមួយលោកគ្រូឃឹម សុជាតិ នៅក្លឹបគុនខ្មែរដូនតា បានចិញ្ចឹមចិត្តខំហ្វឹកហាត់ជាខ្លាំងដើម្បីឡើងប្រកួត ឥឡូវនេះបានសម្រេចដូចបំណងដែលនាងចងបានហើយ។
នៅក្នុងការប្រកួតនេះ វត្តី គុនខ្មែរនឹងត្រូវឡើងប្រកួតមិត្តភាព នាថ្ងៃព្រហស្បតិ៍ទី២១ ខែសីហានេះ ជាមួយកីឡាការិនី សៃ សុភា ក្នុងការប្រកួតប្រភេទទម្ងន់ ៤៨ គីឡូក្រាម ការប្រកួតគុនខ្មែរ វាយ ៥ទឹក ចាប់ពីម៉ោង៨ យប់តទៅនៅស្ថានីយទូរទស្សន៍ថោន ក្នុងកម្មវិធី GANBERG រាជសីហ៍គុនខ្មែរ ។
ហើយសម្រាប់គូមិត្តភាពជាតិគុនខ្មែរ (Kun Khmer Rules)ពីរគូរទៀតគឺកីឡាករ ថេន អាទិត្យ ប៉ះជាមួយ ភាព ណាវិន។កីឡាករណាំឆៀវ គុនខ្មែរ ប្រកួតជាមួយ ធា រិទ្ធី។នៅក្នុងព្រឹត្តិការណ៍ប្រកួតនេះក៏មានការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV ន,នៅលើហ្វេសប៊ុកផេក TOWN FULL HDTV, TOWN FM 102.25 និង BEER GANZBERGផងដែរ។ GANZBERG លើកស្ទួយគុនខ្មែរ ឡើងដល់កម្រិតពិភពលោក!៕
ដោយ៖ វិកគី
