ភ្នំពេញ៖ ពេញសាច់ល្អណាស់ សុទ្ធតែជើងខ្លាំងមកពីបណ្ដាប្រទេសជាច្រើន ដូចជារុស្ស៊ី , មីយ៉ាន់ម៉ា, អាហ្សៃបៃហ្សង់ , ម៉ាឡេស៊ី ដោយមានទាំងគូកីឡាករ កីឡាការិនីថែមទៀតសប្តាហ៍នេះ។ត្រឹមមួយសង្វៀនប៉ុណ្ណោះ កីឡាករ កីឡាការិនីហោះមកពី 4 ប្រទេស មិនធម្មតាទេគុនខ្មែរយើងឥឡូវ បើនិយាយពីកីឡាករអន្តរជាតិវិញ សុទ្ធតែមហាស្វិត កម្រិតA  មកជួបគ្នានៅលើសង្វៀន WURKZ សេនាគុនខ្មែរយ័ន្ត៨ទិសនាថ្ងៃស្អែកនេះ ដែលជាសង្វៀនដ៏មានប្រជាប្រិយភាព និងលេចធ្លោមួយនៅក្នុងពិភពក្បាច់គុនបុរាណខ្មែរ នាពេលបច្ចុប្បន្ននេះ បងប្អូនមកទស្សនាដឹងតែជក់ចិត្តហើយស្អែកនេះ។

ចាំអង្កាល់ទៀតបងប្អូន មុនទៅលេងស្រុកមកទស្សនាប្រដាល់គុនខ្មែរដោយសេរីនៅស្ថានីយទូរទស្សន៍ថោនចុងសប្តាហ៍នេះ ដោយមានការប្រកួតជាច្រើនគូប្រកួតសរុបនៅលើសង្វៀន WURKZ សេនាគុនខ្មែរយ័ន្ត៨ទិស (Kun Khmer Warriors)ក្នុងនោះ គូមិត្តភាពជាតិគុនខ្មែរ (Kun Khmer Rules)រួមមាន៖

-កីឡាការិនី ជាតិ លិជីង  Vs  កីឡាការិនី សៃ សុភា

**គូប្រកួត វគ្គសន្សំពិន្ទុជុំទី2 ពូល A ខ្សែក្រវាត់ IPCC Kun Khmer ៖

-កីឡាករសុផាត មេសា   Vs  កីឡាករប៊ុនទិត្យ គុនខ្មែរ

– កីឡាករសុភាព រមលី   Vs  កីឡាករទី រះ

**គូមិត្តភាពអន្តរជាតិគុនខ្មែរ (Kun Khmer Rules)

– កីឡាការិនី អេ យ៉ានុត   Vs កីឡាការិនី ម៉ាឡេស៊ី NOOR RASHIDAH។

– រឿង សារ័ត្ន   Vs អាហ្សៃបៃហ្សង់ OZGUR MAMADOV។

– ពេជ្រ ប៊ុនសិដ្ឋ  Vs ម៉ីយ៉ាន់ម៉ា  NYEIN CHAN AYE ។

– ភក្តី គុនខ្មែរ  Vs កីឡាកររុស្សី  VICTOR BALTKHINOV។

ប្រកួតនៅថ្ងៃទី20 ខែកញ្ញា ឆ្នាំ2025 ចាប់ពីម៉ោង 7យប់តទៅ ទីតាំង នៅស្ថានីយ៍ទូរទស្សន៍ថោន។ដោយមានការផ្សាយផ្ទាល់នៅលើកញ្ចក់ទូរទស្សន៍ TOWN FULL HDTV,នៅលើហ្វេសប៊ុកផេក TOWN FULL HDTV, TOWN FM 102.25 និង WURKZ ផងដែរ៕

   

ដោយ៖ វិកគី