(អង់គ្លេស)៖ កីឡាករ James Rodriguez នឹងបានជួបជុំគ្នាជាមួយ លោកCarlo Ancelotti ដែលជាគ្រូបង្វឹកចាស់ម្តងទៀត បន្ទាប់ពីបានចុះកុងត្រារយៈពេល ២ឆ្នាំជាមួយក្លឹប Everton ក្នុងតម្លៃខ្លួន ២២ លានផោន (២៩ លានដុល្លារ) ។
កីឡាករអន្តរជាតិកូឡុំប៊ី វ័យ២៩ ឆ្នាំរូបនេះបានចុះកុងត្រារយៈពេល២ឆ្នាំ ខណៈដែលគាត់នឹងបានជួបជុំជាមួយលោក Carlo Ancelotti ដែលធ្លាប់បាននាំគាត់មកកាន់ទីក្រុង Madrid កាលពីឆ្នាំ២០១៤ បន្ទាប់មកខ្សែបម្រើរូបនេះបានចាប់ដៃគូជាមួយលោក Ancelotti ម្តងទៀតនៅឯក្លិប Bayern Munich ដែលជាកន្លែងដែលគាត់បានចំណាយពេល ២ រដូវកាលក្នុងលក្ខខណ្ឌខ្លីជើងមុនពេលវិលត្រឡប់មកកាន់រដ្ឋធានីអេស្ប៉ាញកាលពីឆ្នាំមុន។
អតីត Monaco និង Porto star បានប្រាប់គេហទំព័ររបស់ Everton ថា“ ខ្ញុំពិតជារីករាយណាស់ដែលបាននៅជាមួយក្លិបដ៏អស្ចារ្យមួយនេះដែលមានអ្នកចាត់ការទូទៅស្គាល់ខ្ញុំច្បាស់។ទន្ទឹមនឹងនេះលោក Ancelotti មានសេចក្តីសោមនស្សរីករាយក្នុងការស្វាគមន៍កីឡាករវ័យ ២៩ ឆ្នាំរូបនេះមកកាន់កីឡដ្ឋាន Goodison Park ហើយសង្ឃឹមថាគាត់អាចកែលម្អក្រុមឲ្យបានល្អនៅរដូវកាលថ្មីនេះ។
គួរជម្រាបថា កីឡាករ James Rodriguez បង្ហាញខ្លួនបានតែ ៨ ប្រកួតប៉ុណ្ណោះនៅ La Liga កាលពីរដូវកាលមុន និងបានឈ្នះជើងឯកអេស្ប៉ាញជាមួយនឹងក្រុម Real Madridផងដែរ ៕
