នៅប្រទេសមីយ៉ាន់ម៉ាក្នុងតំបន់អាស៊ានយើងនេះវិញ ក៏មិនចាញ់អ៊ីស្រាអ៊ែល និងអ៊ីរ៉ង់ដែរ នៅព្រឹកថ្ងៃទី ១៩ ខែមេសា ឆ្នាំ ២០២៤នេះ កងកម្លាំងការពារប្រជាជន Nambong បាននិយាយថា ខ្លួនបានវាយប្រហារមូលដ្ឋានទ័ពអាកាសរបស់របបយោធានៅក្នុងរដ្ឋធានី Myitkyina រដ្ឋ Kachin ដោយប្រើគ្រាប់រ៉ុក្កែត ១០៧ មីល្លីម៉ែត្រ នាព្រឹកថ្ងៃសុក្រនេះ។ ព័ត៌មានលម្អិតនៃការខូចខាតនៅឯមូលដ្ឋានទ័ពអាកាស គេនៅមិនទាន់ដឹងច្បាស់នៅឡើយទេ។
ក្រុមប្រឆាំងមួយទៀត កងកម្លាំងបដិវត្តន៍សេរីភាព (FRF) បាននិយាយថា ខ្លួន និងក្រុមពីរផ្សេងទៀតបានប្រើគ្រាប់បែករ៉ុក្កែត ១០៧ មីល្លីម៉ែត្រ ដើម្បីវាយប្រហារមូលដ្ឋានអាកាស Tada-U របស់រដ្ឋាភិបាលយោធានៅក្បែរអាកាសយានដ្ឋានអន្តរជាតិ Mandalay ក្នុងសង្កាត់ Tada-U ក្នុងតំបន់ Mandalay កាលពីថ្ងៃអង្គារ តាមសេចក្តីរាយការណ៍ថា បានធ្វើឱ្យខូចខាតយ៉ាងដំណំ។
