ភ្នំពេញ ៖ រដ្ឋបាលជលផល សូមអញ្ជើញ បងប្អូនប្រជាពលរដ្ឋមានបំណង ធ្វើប្រហុក ផ្អក ត្រីឆ្អើរ រួសរាន់ ទៅរកទិញត្រី តាមគន្លង ដាយ នេសាទត្រី ក្នុង ដងទន្លេសាប នៅក្នុងភូមិសាស្ត្ររាជធានីភ្នំពេញ និង ខេត្តកណ្តាល ចាប់ពីថ្ងៃទី២០ ដល់ ថ្ងៃទី២៦ ខែធ្នូ ដែលជាថ្ងៃចាប់បានត្រីច្រើន។
រដ្ឋបាលជលផល នៃ ក្រសួងកសិកម្ម រុក្ខាប្រមាញ់និងនេសាទ បានជូនដំណឹង ដល់សាធារណជនថា ៖ ក្នុងរដូវវស្សា ឆ្នាំ២០២០-២០២១ នេះ បន្ទាប់ពីបានធ្វើការសង្កេតតាមដានលើកម្ពស់ទឹកដែលហូរចេញពីបឹងទន្លេសាប រួចឃើញថា គន្លងដាយ នៅតាមដងទន្លេសាបក្នុងភូមិសាស្ត្ររាជធានី ភ្នំពេញ និង ខេត្តកណ្តាល អាច នេសាទត្រីបានច្រើននៅក្នុងខែបុស្សនេះ គឺចាប់ពីថ្ងៃ៦កើត ដល់ ថ្ងៃ១២កើត ត្រូវនឹងថ្ងៃទី២០ រហូតដល់ ថ្ងៃទី២៦ ខែធ្នូ ប្រសិនបើមេឃស្រឡះល្អ គ្មានភ្លៀងកក់ខែ ឬ ទទួលរងឥទ្ធិពលព្យុះ។
ក្នុងសេចក្តីជូនដំណឹង ដដែល បន្តថា បងប្អូន ប្រជាពលរដ្ឋ ដែលមានបំណង ធ្វើ ប្រហុក ផ្អក ត្រីឆ្អើរ ។ល។ សម្រាប់ទុកបរិភោគប្រចាំឆ្នាំ មេត្តាអញ្ជើញ មកទិញត្រី ក្នុងខែបុស្សនេះឱ្យបានរួសរាន់តាមពេលវេលានិងទីកន្លែង ដូចបានជម្រាបជូនខាងលើ៕
