កំពង់ស្ពឺ៖ ដោយអនុវត្ដតាមបទបញ្ជាលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ កំលាំងនគរបាលអធិការដ្ឋានស្រុកសំរោងទង ដឹកនាំដោយលោកវរសេនីយ៍ឯក ឃុត សុផល អធិការនគរបាលស្រុក កំលាំងផ្នែកជំនាញស្រុក ប៉ុស្តិ៍នគរបាលរដ្ឋបាលវល្លិសរ បានចុះដល់ទីតាំងលក់បំពង់ស៊ីមាំងម៉ូតូកែច្នៃមួយកន្លែងតាមបណ្ដោយផ្លូវជាតិលេខ៤ ចន្លោះគីឡូម៉ែត្រលេខ ៣៩-៤០ ស្ថិតនៅភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ ។
ជាក់ស្ដែងពេលសមត្ថកិច្ចចុះដល់ទីតាំងបានជួបមនុស្សចំនួន ៤នាក់គឺ៖ ១- ឈ្មោះ រី សុវិរៈ ភេទប្រុស អាយុ ២០ឆ្នាំ ម្ចាស់ទីតាំង នៅភូមិរំលោង ឃុំវល្លិសរ ស្រុកសំរោងទង ។ ២- ឈ្មោះ ចន សុខមាន ភេទប្រុស អាយុ ១៧ឆ្នាំ ម្ចាស់ទីតាំង នៅភូមិចំបក់ ឃុំវល្លិសរ ស្រុកសំរោងទង ។ ៣- ឈ្មោះ សុខ ទិត្យ ភេទប្រុស អាយុ ២២ឆ្នាំ អ្នកមកជួលជុល នៅភូមិព្រៃស្ដុក ឃុំមហាសាំង ស្រុកភ្នំស្រួច ។ ៤- ឈ្មោះ ធឿន រ៉ាវី ភេទប្រុស អាយុ ២១ឆ្នាំ ជាងជួសជុលកែឆ្នៃ ស្នាក់នៅភូមិស្លា ឃុំវល្លិសរ ស្រុកសំរោងទង ។
ក្រោយពីពិនិត្យសមត្ថកិច្ចបានដកហូតម៉ូតូកែច្នៃចំនួន ៦គ្រឿង បំពង់ស៊ីម៉ាំងកែច្នៃចំនួន ១១ និងសាក់ស៊ីម៉ូតូកែចំនួន៩ ។ករណីខាងលើនេះសមត្ថកិច្ចបានធ្វើការអប់រំ ធ្វើកិច្ចសន្យាចំពោះម្ចាស់ទីតាំង ជាងកែឆ្នៃស៊ីម៉ាំង អ្នកមករកសេវាកែច្នៃឱ្យវិលត្រឡប់ទៅវិញបញ្ឍប់សកម្មភាពប្រាសចាកផ្លូវច្បាប់៕
ដោយ៖ សំណាង
