ខេត្តកំពង់ស្ពឺ៖ ក្រុមជនសង្ស័យចំនួន១០នាក់ត្រូវបានកម្លាំងសមត្ថកិច្ចនគរបាលស្រុកសាមគ្គីមុនីជ័យស្រាវជ្រាវឃាត់ខ្លួនបាន ខណៈដែលក្រុមជនសង្ស័យធ្វើសកម្មភាពស្ទាក់វាយប្លន់យកម៉ូតូជនរងគ្រោះ បានសម្រេចហើយរត់គេចខ្លួន។
ការឃាត់ខ្លួនក្រុមជនសង្ស័យជាចោរប្លន់នេះ បានធ្វើឡើងកាលពីល្ងាច ថ្ងៃទី២៩ ខែមករា ឆ្នាំ២០២៥ នៅចំណុចដីឡូតិ៍ ឡេង ណាវ៉ាត់ត្រា ស្ថិតនៅភូមិស្តុកស្លាត ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ។
សមត្ថកិច្ចនគរបាលស្រុកបានឱ្យដឹងថា នៅមុនពេលកើតហេតុមានករណីស្ទាក់វាយជនរងគ្រោះយកម៉ូតូ១គ្រឿងម៉ាក ហុងដាC125 ស៊េរីឆ្នាំ២០២២ ពណ៌ខ្មៅ ពាក់ស្លាកលេខ កំពង់ស្ពឺ 1W-5580 ជាកម្មសិទ្ធិរបស់ជនរងគ្រោះមានគ្នាចំនួន២នាក់៖ ទី១.ឈ្មោះ ក្រិត ធីម ភេទប្រុស អាយុ១៩ឆ្នាំ និងទី២.ឈ្មោះ ក្រិត ធី ភេទប្រុស អាយុ១៨ឆ្នាំ អ្នកទាំង២នាក់ រស់នៅភូមិស្តុកស្លាត ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ។
សមត្ថកិច្ចនគរបាលបានបន្តថា ក្រោយកើតហេតុនៅម៉ោង៣ និង១០នាទីរសៀលថ្ងៃទី២៩ ខែមករា ឆ្នាំ២០២៥នេះ សមត្ថកិច្ចបានចុះទៅដល់កន្លែងកើតហេតុជួបជនរងគ្រោះសាកសួរព័ត៌មានករណីខាងលើស្រាវជ្រាវឃាត់មុខសញ្ញាម្នាក់ក្នុងចំណោម១០នាក់ ដែលយកម៉ូតូជនរងគ្រោះទៅផ្លុងចោលនៅផ្លូវលំខាងត្បូងបុរីTLLស្ថិតនៅភូមិត្រពាំងរុន ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។
ជនសង្ស័យមានឈ្មោះដូចខាងក្រោម៖ ១.ឈ្មោះ ណ ថ ភេទប្រុស អាយុ២៥ឆ្នាំ ភូមិព្រៃពាយ ឃុំអង្គតាសោម ស្រុកត្រាំកក់ ខេត្តតាកែវ, ២.ឈ្មោះ រ ស គ ភេទប្រុស អាយុ១៧ឆ្នាំ ភូមិច្រក ឃុំបន្ទាយមាស ស្រុកបន្ទាយ មាស ខេត្តកំពត, ៣.ឈ្មោះ ប ស ខ ភេទប្រុស អាយុ ២១ឆ្នាំ ភូមិច្រក ឃុំបន្ទាយមាស ស្រុកបន្ទាយមាស ខេត្តកំពត ,៤.ឈ្មោះ ស រ ឌ ភេទប្រុស អាយុ១៩ឆ្នាំ ភូមិតាជ័យ ឃុំកំពុងចម្លង ស្រុកស្វាយជ្រុំ ខេត្តស្វាយរៀង (អ្នកទាំង៤នាក់ខាងលើជនដៃដល់), ៥.ឈ្មោះ ថ វ ភេទប្រុស អាយុ២៦ឆ្នាំ ភូមិអណ្តូងរវៀង ឃុំអញ្ចាយរូង ស្រុកបរិបូរណ៍ ខេត្តកំពង់ឆ្នាំង,៦.ឈ្មោះ ដ អ ភេទប្រុស អាយុ១៩ឆ្នាំ ភូមិស្នេហ៍មាន់ ឃុំកោះកន្លរ ស្រុកកោះកន្លរ ខេខេត្តបាត់ដំបង,៧.ឈ្មោះ រ ច រ ភេទប្រុស អាយុ២១ ឆ្នាំ ភូមិស្លា ឃុំក្រាំងត្រយ៉ង ស្រុកពាមជរ ខេត្តព្រៃវែង ,៨. ឈ្មោះ រ ខ ភេទប្រុស អាយុ១៧ឆ្នាំ ភូមិច្រក ឃុំបន្ទាយមាស ស្រុកបន្ទាយមាស ខេត្តកំពត,៩.ឈ្មោះ ដ អ ភេទប្រុស អាយុ១៧ឆ្នាំ ភូមិស្នេហ៍មាន់ ឃុំបន្ទាយមាស ស្រុកបន្ទាយមាស ខេត្តកំពត,១០.ឈ្មោះ ម ច ថ ភេទប្រុស អាយុ២៥ឆ្នាំ ភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់ (ដែលជាបក្សពួក) ជាកម្មករសំណង់ស្នាក់នៅក្នុងបុរីTLL។
ក្រោយឃាត់ខ្លួនសមត្ថកិច្ចនគរបាលបានដកហូតម៉ូតូចំនួន០៦គ្រឿង ម៉ូតូជនរងគ្រោះ០១គ្រឿង និងទូរស័ព្ទដៃចំនួន ៤គ្រឿង:៖១.ម៉ូតូហុងដាC125 ពណ៌ខ្មៅ ពាក់ផ្លាកលេខ កំពង់ស្ពឺ 1W-5580 (ម៉ូតូជនរងគ្រោះ)។
សមត្ថកិច្ចនគរបាលបានបញ្ជាក់ថា តាមចម្លើយសារភាពរបស់ក្រុមបក្ខពួកខាងលើបានឆ្លើយថា ពួកគេបានយកម៉ូតូរបស់ជនរងគ្រោះទៅផ្លុងចោលនៅចំណុចខាងលើ ដោយធ្វើសកម្មភាពវាយកម្ទេចស្លាកលេខនិងសម្ភារៈម៉ូតូ។តាមការពិនិត្យនៅក្នុងបន្ទប់ផ្ទះបុរីឃើញមានកាបាំងម៉ូតូ កញ្ចក់ម៉ូតូ កាងម៉ូតូ កូនសោរ ញញួរ ដំបងឈើ និងសម្ភារៈសម្រាប់ធ្វើសកម្មភាពមួយចំនួនទៀត។
បច្ចុប្បន្នក្រុមជនសង្ស័យរួមជាមួយវត្ថុតាងខាងលើត្រូវបានសមត្ថកិច្ចជំនាញឃាត់ខ្លួនបញ្ជូនទៅកាន់អធិការដ្ឋាននគរបាលស្រុកសាមគ្គីមុនីជ័យដើម្បីចាត់ការបន្តតាមផ្លូវច្បាប់៕
ដោយ៖ វិសាល
